پنجشېر ولایت کې د سږکال زمردو دویمه داوطلبي ترسره شوه
په پنجشېر ولایت کې د (204900) امریکایي ډالرو په ارزښت (2693) قیراطه زمرد د پنجشېر د کانونو د رئیس، سیمه یزو مسئولینو، کان کیندنکو، رسنیو او سوداګرو په شتون کې د یاد ولایت په مقام کې د یوې رڼې پروسې په ترڅ کې وپلورل شول.
په دغو زمردو کې د اسلامي امارت ونډه 10 سلنه ده او پاتې 90 سلنه د کان کیندنکو ده چې ټول د پنجشېر ولایت اوسېدونکي دي او همدا راز په یادو کانونو ګڼ شمېر خلک چې د پنجشېر ولایت اوسېدونکي دي په کار بوخت دي.
په دغه داوطلبۍ کې د 100 کسانو څخه زیاتو کورنیو او بهرنیو سوداګرو برخه اخیسته وه.
دیادې داوطلبۍ ګټونکي په لاندې ډول دي.
بریالی د عبدالحبیب زوی د 6900 امریکايي ډالرو په ارزښت د 466 قیراطه زمردو ګټونکی شو.
آغاشیرین د عبدالقادر زوی 8300 امریکايي ډالرو په ارزښت د 680 قیراطه زمردو ګټونکی شو.
عبدالوفي د عبدالقدوس زوی د 53000 امریکايي ډالرو په ارزښت د 712 قیراطه زمردو ګټونکی شو.
محمد جواد د محمد کبیر زوی د 29800 امریکايي ډالرو په ارزښت د 231 قیراطه زمردو ګټونکی شو.
فضل الرحمن د عزیزخان زوی د 16100 امریکایي ډالرو په ارزښت د 172 قیراطه زمردو ګټونکی شو.
توکل خان د محمد کریم زوی د 75800 امریکايي ډالرو په ارزښت د 228 قیراطه زمردو ګټونکی شو.
الله نور د حمیدالله زوی د 9000 امریکايي ډالرو په ارزښت د 127 قیراطه زمردو ګټونکی شو.
قربان محمد د جان محمد زوی د 6000 امریکایي ډالرو په ارزښت د 77 قیراطه زمردو ګټونکی شو.
