د روان 2024 کال د آمو دریا نفتي حوزې کې د 24 نویوڅاه ګانو رغونه او کیندنه
د افچین کمپنۍ رئیس د روان 2024 کال د پلانونو او برنامو چې د راتلونکي کال په بوديجه کې شامل دي مصارف، د 6000 ټنه په ظرفیت سره دنفتو د زېرمو جوړول، د نفتو د تصفیې خونو جوړول، د 1300 کیلومټره سیمې سروې په 2 او 3 ډوله سره، د 2 غیرې فعاله څاه ګانو رغونه او 22 نویو څاه ګانو د کیندنې په اړه معلومات وړاندې کړل او همدارنګه یې ګڼ شمېر افغانانو ته په مستقیم او غیرمستقیم ډول د کار د زمینه برابرول ډاډ ورکړ.
دافچین کمپنۍ رئیس د کانونو او پټرولیم وزارت سرپرست سره د هغه په کاري دفتر کې دغه څرګندونې وکړې ویې ویل: د روان 2024 کال په اوږدوکې به د 24 نویو څاه ګانو په فعالیدو سره د نفتو ورځنی استخراج له 2000 ټنو څخه لوړ شي.
د یادونې وړ ده چې یاده کمپنۍ اوس مهال د 4000 ټنو نفتو په ظرفیت سره زېرمه لري، او په نږ دې راتلونکې کې به د قشقري په سیمې کې د 6000 ټنو په ظرفیت د نوې زېرمو د جوړولو ترڅنګ، په یو شمېر نورو سیمو کې د زېرمو د جوړولو ډاډ ور کړ.
د کانونو او پټرولیم وزارت سرپرست د یادې پروژې د استخراج په برخه کې پر روڼتیا او نورو ټولو مواردو چې په قرارداد کې شامل دي ټینګار وکړ ویې ویل: د نفتو په برخه کې دافغان انجینرانو او متخصصیونو ګمارنې لپاره مو د 3900 امریکایي ډالرو معاشونو فرصت برابر کړی دی او که چېرې افغانستان کې یاد متخصصین نه وي کمپنۍ کولی شي چې بهرني وګړي د سیمې په سطح د معاشاتو په ورکړې سره وګماري.
