د سید المرسلین مدرسې د دستار بندي غونډه کې د کانونو او پټرولیم وزارت سرپرست ګډون او د یادې مدرسې طالبانو ته یې د صحیح البخاري وروستي حدیث درس ورکړ.
یاده غونډه د ۲۲ تنو حافظانو د درستار بندۍ او ۱۸ تنه د عالمیه درجې یا (دورة الحدیث) فارغینو په موخه د کابل ښار د کمپنۍ بازار د سیدالمرسلین مدرسې کې ترسره شوه.
په دغه غونډه کې د کانونو او پټرولیم وزارت سرپرست شیخ الحدیث شهاب الدین دلاور، د پوهنې وزارت سرپرست، د لوړو زده کړو وزارت علمي مرستیال، مفتیانو، علماوو کرامو ګډون کړی و.
د کانونو او پټرلیم وزارت سرپرست فارغینو او کورنیو ته د مبارکي تر څنګ د دیني زده کړو دارزښت په اړه خبرې وکړې، ځوانان یې د قران او حدیثو زده کړو ته وهڅول، همدا راز یې طلباوو کرامو ته د صحيح البخاري وروستي حدیث درس ورکړ، دامام البخاري د ژوند او د هغه د با ارزښته کتاب صحيح البخاري په اړه یې هر اړخېزې خبرې وکړې زیاته یې کړه: د امام البخاري رحمه الله اخلاص او پرهېزګاري د دې سبب شوه، چې په ټول اسلا مي امت کې دده کتاب د خلکو د خوښۍ وړ وګرځېده.
په پای کې د کانونو او پټرولیم وزارت سرپرست یاد فارغین لا ډېرو زده کړو ته وهڅول، اړوندو مسئولینو څخه یې غوښتنه وکړه چې د طلباوو کرامو د زده کړو او ظرفیت لوړونې برخې ته لا ډېره پاملرنه وکړي.
