د میدان وردګو ولایت د کانونو ساتنې کمېټې لومړنۍ ناسته ترسره شوه
د کانونو ساتنې کمېټې غونډه د میدان وردګ ولایت مرستیال ښاغلي مولوي سیدالرحمن حافظ په مشرۍ د کانونو رئیس الحاج مولوي نعمت الله شاهد او د کمېټې د غړو په ګډون د یاد ولایت په مقام کې تر سره شوه.
په دغه ناسته کې د یاد ولایت مرستیال له لوري د کمېټې غړو ته د کمېټې کاري ظرزالعمل تشریح تر څنګ د کانونو په مدیریت، اهمیت، د کاني زېرمو په ارزښت او ساتنه، د قراردادونو د ارزونې او څارنې په څرنګوالي او د قاچاق مخنیوي په اړه خبرې او نظرونه شریک کړل.
وروپسې د میدان وردګ ولایت کانونو رئیس د یاد ولایت د کانونو په اړه معلومات وړاندې کړل، چې د 150 شاوخوا کې بېلابېل کانونه موجود دي چې له جملې څخه یې 24 کانونه قرارداد ته سپارل شوي دي.
