د سیمه یزو خدمتونو عمومي مدیریت د کیندنې دوه دستګاه وو فعالیدل
د کیندنې او اکتشاف دوه دستګاه وې HYDX-4 له ټولو اړوند وسایلو سره د کانونو او پټرولیم وزارت د سروي او جیولوجي معینیت له لورې (14625337) افغانیو په ارزښت د چین هېواد څخه و پلورل شوې د سیمه یزو خدماتو عمومي مدیریت له لورې فعالې او ګټه اخیستنې ته چمتو شوې.
یادې دستګاه وې د هېواد د کانونو دا اکتشاف په برخه کې د سمې څېړنې په موخه او همدارنګه د وزارت تخنیکي پرسونل ټیم ته د زده کړو لپاره چمتو شوي چې د کیندنې ظرفیت یې له 800 څخه نیولې تر 1000 مترو او د 30 څخه تر 90 درجې زاويې پورې د کیندنې چټکتیا درلودونکې ده او په سختو ډبرو کې له 0.5 څخه تر 4 مترو پورې نرمو ډبرو ته تغیر کېدونکې ده.
همدارنګه د یادې دستګاه د کیندنې په برخه کې د چارومخته وړلو په موخه 18 تنو ته فني زده کړې ورکړل شوې، او د کانونو هغه قراردادي شرکتونه چې په دې برخه کې د اکتشاف او یا هم د کیندنې په برخه کې علاقمندي ولري د کاني موادو (ژوروالی، پلنوالی، پراختیا) او د ( منرالونو جوړښت او د موادو فیصدي) کیفیت معلومولو لپاره په ښه زیرکتیا او لږ قېمت سره ترسره کوي.
