د کانونو او پټرولیم وزارت سرپرست د افچین کمپنۍ له رئیس سره ولیدل
د کانونو او پټرولیم وزارت سرپرست شیخ الحدیث شهاب الدین دلاور د یکشنبې په ورځ د 1/5/1402 نېټې د افچین کمپنۍ له رئیس ښاغلي شي سره په خپل کاري دفتر کې ولیدل.
په دغه لیدنه کې د افچین کمپنۍ رئیس د تېرو درې میاشتو دکارونو د فعالیت او پرمختګ په اړه خبرې وکړې او همدارنګه د راتلونکې درې میاشتني پلان په اړه بحث او نظرونه شریک کړل.
په پای کې د کانونو او پټرولیم وزارت سرپرست د پروژې د استخراج په روڼوالي او د کمپنۍ د فعالیتونو پرچټکتیا او نورو مواردو باندې ټېنګار وکړ.
