د بامیانو ولایت د کانونو له ریاست څخه د کانونو او پټرولیم وزارت سرپرست لیدنه
د کانونو او پټرولیم وزارت سرپرست شیخ الحدیث شهاب الدین دلاوراو مل پلاوي د سه شنبې په ورځ د 13/4/1402 نېټې د بامیانو ولایت د کانونو ریاست له کارکوونکو سره ولیدل.
په دغه لیدنه کې چې د یاد ولایت والي مولوي عبدالله سرحدي هم ګډون درلود، د کانونو او پټرولیم وزارت سرپرست د یاد ولایت د کانونو ریاست د فعالیتونو او کارونو ستاینه وکړه او د کانونو د طرزالعمل په اړه یې خبرې وکړې.
ورپسې د بامیانو د کانونو رئیس د کارمندانو غوښتنې او ستونزې د وزارت له مشرتابه سره شریکې کړې او د همکارۍ غوښتنه یې وکړه چې د کانونو او پټرولیم وزارت سرپرست د هغوئ د ستونزو د حل په موخه د همکارۍ ژمنه وکړه.
په پای کې د کانونو او پټرولیم وزارت سرپرست د یاد ولایت د کانونو ریاست کارمندانو ته لارښوونه وکړه چې خلکو ته د رښتینې خدمت په وړاندې کولو کې له هېڅ ډول هڅې ډډه ونه کړي.
