کانونو او پټرولیم وزارت اداري غونډه تر سره کړه
د کانونو او پټرولیم وزارت اداري غونډه د چهارشنبې په ورځ د 1402 کال د وري مياشتې په 16 مه نېټه د کانونو او پټرولیم وزارت د سرپرست شیخ الحدیث شهاب الدین دلاور په مشرۍ د دغه وزارت د مرستیالانو او رئیسانو په حضور کې تر سره کړه.
غونډه د قرآن عظيم الشان په څو مبارکو آياتونو سره پېل شوه چې ورپسې بيا د کانونو او پټروليم وزارت سرپرست ښاغلي شېخ الحديث شهاب الدين دلاور د تېر يو کال فعاليتونو او لاسته راوړنو مرور تر څنګ د نفرايټ۔ کرومايټ۔ مرمر او مالګې کانونو د قراردادونو د تطيبق او عملي کولو او د نظارت لپاره۔ د ولايتونو کانونو لپاره د هيئت ټاکل او د هرات۔ کندهار او پروان جبل السراج سيمنټو فابريکو په اړه بحث او نظرونه سره شريک کړل.
همدارنګه یو شمېر اړوندو رئیسانو د خپلو فعالیتونو او دندو په اړه د خبرو ترڅنګ د خپلو کاري پلانونو او برنامو په اړه لنډ معلومات وړاندې کړل او غونډه بيا د کانونو او پټرولیم وزارت سرپرست ښاغلي شېخ الحدیث شهاب الدین دلاور لخوا د لازمو لارښوونو په ورکولو سره پای ته ورسېده.
