د کانونو او پټرولیم په وزارت کې د بین الوزارتي کمیټې غونډه تر سره شوه
د کانونو او پټرولیم وزارت سرپرست شېخ الحدیث شهاب الدین دلارو په مشرۍ د مالې وزارت، اقتصاد، د اوبو او انرژۍ، د صنعت او سوداګرۍ وزارتونو او د چاپیریال ساتنې ملي ادارې د نماینده ګانو په حضور کې بین الوزارتي غونډه د پنجشنبې په ورځ 21/7/1401 نېټې د یاد وزارت د غونډو په تالار کې تر سره کړه.
د کانونو او پټرولیم سرپرست په غونډه کې د هرات ولایت غوریانو اوسپنې او د غور ولایت د سرپ پروژو د پېل په اړه لنډې خبرې وکړې. ورپسې بیا د لوی کانونو ریاست له لوري د یادو پروژو او لپاره په شرایطو وړ کمپنیو او شرکتونو د اسنادو ارزونې په اړه معلومات وړاندې کړل.
د غونډې په پای کې په دې پرېکړه وشوه چې د یادو پروژو په شرایطو برابر او د غیري برابر شرکتونو په لېست کې به هیڅ ډول تغیرات نه راځي.
