د ټاپي ګاز نللیکې له اجرائيوي رئیس سره د کانونو او پټرولیم وزرات سرپرست لیدنه
د کانونو او پټرولیم سرپرست وزیر ښاغلي شېخ الحدیث شهاب الدین دلاور د ټاپي ګاز نللیکې کمپنۍ له اجرائیوي رئیس محمد امانوف او مل پلاوي سره د معینانوو، د هرات والي ښاغلي مولوي نور احمد اسلام جار، د بهرنیو چارو وزارت، عدلیه، د زراعت او مالدارۍ، مالیه، د چاپېریال ساتنې ادارې، د افغانستان بانک، د اراضۍ او افغان ګاز ادارو د استازو په شتون کې نن شنبه 22/5/1401 نېټې د وزارت په مقام کې ورسره وکتل.
د کانونو او پټرولیم وزارت سرپرست په پېل کې ټولو راغلو مېلمنو ته ښه راغلاست وویل او د دواړو هېوادونو د اوږدمهاله او تاریخي دوستۍ په اړه یې خبرې وکړې او او زیاته یې کړه چې د افغانستان اسلامي امارت د یادې پروژې د پېل او امنیت تینګوالي لپاره چمتو دی.
او همدارنګه د ټاپي پروژې د اقتصادي، سیاسي او تخنیکي مسایلو تر څنګ د افغانستان او ترکمنستان تر منځ د ټاپي پروژې پر توافق او د پروژې د بهیر پر پرمختګ او د دولتي او خصوصي ځمکو د استملاک په تړاو خبرې اترې وشوې.
د ټاپي پروژې اجرائيه رئیس د خپل هېواد په استازیتوب د دغې پروژې د تطبیق په برخه کې د افغانستان اسلامي امارت په ځانګړي ډول د کانونو او پټرولیم وزارت له مرستو مننه وکړه او له افغانستان سره یې د خپلو همکاریو پر دوام ټینګار وکړ. او ترکمنستان هېواد نه یوازې د ټاپي د ګازو لېږد لین د جوړولو په برخه کې بلکې د برېښنا، رېل پټلۍ، فایبر نوری او د تطبیق وړ نورو پروژو په برخه کې چې د دواړو هیوادونو د ښه اړیکو په برخه کې ډېرې مهمې دي. او زیاته یې کړه چې د ټرانزیټ له اړخه د افغانستان کلنی عاید 400 میلیونه ډالره دي او له 15000 څخه زیات افغانان به په ساختماني چارو کې په کار وګمارل شي. او همدارنګه یې د ټولنیزو برنامو د څاښاک د پاکو اوبو څانګانې، روغتیايي کلینکونه، صنعتي ښارګوټي او ورته نورو برنامو په اړه خبرې وکړې.
په پای کې د یادو ادارو استازو د ټاپي پروژې د تطبیق په اړه خپل نظرونه څرګند کړل.
