د کنړ او پروان ولایت د نفرایټ ډبرو د دوه ساحو داوطلبي
د کانونو او پټرولیم وزارت نن سه شنبه د 24/3/1401 نېټې د کنړ ولایت د خاص کنړ ولسوالۍ د پنجکوت د سیمې او د پروان ولایت د کوه صافي ولسوالۍ د بختې سیمې د نفرايټ ډبرو کانونو داوطلبي د وزارت په مقام کې په شفافه ټوګه تر سره کړه.
د کانونو او پټرولیم وزارت سرپرست شیخ الحدیث شهاب الدین دلاور د نفرايټ ډبرو سیمې مخکې اعلان ته سپارلې وې، چې د تخنیکي معین ښاغلي انجینیر وحیدالله حلیمي، د پالیسي معین ښاغلي ضیاء الرحمن اریوبي، د مالي او اداري معین ښاغلي مولوي حسام الدین صابري، د موظف هیئت او 49 څلوېښت هغو شرکتونو په شتون کې چې د پروپوزلونو په ارزونه کې د داوطلبۍ شرایط پوره کړي وو د یوې شفافې پروسې له مخې تر سره کړه.
په دغه داوطلبۍ کې د کنړ ولایت د خاص کنړ ولسوالۍ د پنجکوټ سیمې د اطمینان شرکت د رویالیټي قېمت في ټن 5000000 افغانيو په ارزښت ګټونکی او د پروان ولایت د کوه صافي ولسوالۍ د بختې سیمې د افغان سپیک شرکت في ټن د 450000 افغانیو په ارزښت ګټونکي اعلان کړل.
