د وروستیو تروریستي پېښو د شهیدانو روح ته د دعا په موخه، د کانونو او پټرولیم وزارت کې د قرآن عظیم الشان ختم ترسره شو
د جمهوري ریاست د عالي مقام په لارښونه، د وروستیو تروریستي پېښو د شهیدانو روح ته د دعا په موخه، د کانونو او پټرولیم وزارت کې د قرآن عظیم الشان ختم ترسره شو.
په دغو مراسمو کې د کانونو او پټرولېم وزیر محمد هارون چخانسوري، د وزارت معینانو، رئیسانو، کارکونکو او دیني علماو ګډون درلود.
د قران کریم د ختم په پای کې، د کانونو او پټرولیم وزیر او د وزارت ټولو کارکونکو د کابل ښار د دشت برچې او د لوګر ولایت د ازرې ولسوالۍ د تروریستي پېښو شهیدانو او د هیواد د زړورو دفاعي او امنیتي ځواکونو د شهیدانو روح او په هېواد کې د باعزته سولې او دایمي امنیت لپاره دعا وکړه.
