د ټاپي پروژې په اړه د افغانستان د ماموریت مشورتي غونډه ترسره شوه

firoz_admin
چهارشنبه ۱۳۹۹/۵/۸ - ۸:۱۸
32145

د افغانستان حکومت، د آسیا پراختیايي بانک ADB ، او د ټي پي سي ال TPCL شرکت ترمنیځ د ټاپي پروژې د تطبیق او په افغانستان کې دیادې پروژې د ورستیو پرمختګونو، د آسیا پراختیايي بانک مالي مرستو، دپروژې لپاره د عمل په پلان او ددې پروژې په تخنیکي او اقتصادي برخه په اړه د ویډیو کنفرانس له لارې غونډه ترسره شوه.

پدې غونډه کې د افغانستان حکومت په استازیتوب د کانونو او پټرولیم وزارت په شمول، دمالیي وزارت، د ځمکو او ښارجوړونې وزارت او دافغانستان برېښنا شرکت ګډون درلود.

د غونډې په پیل کې د آسیا پراختیايي بانک استازو د پروژې لپاره د بانک په مالي مرستو تدارکاتي پروسو، د مالي برخې پلان او د یادې پروژې په تخینکي او عملیاتي برخه کې د بانک د مرستو په څرنګوالي معلومات ورکړل.

ورسته د ټاپي پروژې د تطبیق په موخه د ټاپي پروژې لمیټید TPCL شرکت استازو د پروژې لپاره د هیوادنو په تعهداتو او په افغانستان کې ددې پروژې په ورستیو پرمختګونو خبرې وکړې.

د افغانستان د کانونو او پټرولیم وزارت سرپرست محمد هارون چخانسوري د غونډې ګډونوالو ته وویل: د ټاپي پروژې د تطبیق په موخه پدې ورستیو کې په ملي کچه یوه هغمږي رامنځته شوې ترڅو په افغانستان کې د ټولو شریکانو سره په ګډه هغه تعهدات چې د پروژې د تطبیق برخه کې د افغانستان حکومت کړي، په سمه توګه ترسره کړي.

نوموړي زیاته کړه چې د کانونو او پټرولیم وزارت له اړونده ادارو سره د ځمکې د استملاک سربېره په اجتماعي او اقتصادي برخه کې د پروژې د لومړیتوبونو او د ګازو څخه د استفادې، د ګازو بازار او ددې برخې د اقتصادي څېړنو په اړه هماهنګي کړې ده ترڅو په پروژه کې اساسي تحرک رامنځته شي.

تازه خبرونه

شنبه ۱۳۹۹/۶/۲۹ - ۹:۴۴
Background image

محمد هارون چخانسوري د افغانستان د کانونو او صنعت د خونې غړو ته په خطاب کې: مشترکو موخو ته د رسېدو لپاره باید په ګډه کار وکړو ترڅو په سکتور کې شفافیت او تحرک تامین او خلکو ته د کارموندنې فرصتونه ایجاد شي

د کانونو او پټرولیم وزارت سرپرست محمد هارون چخانسوري د کانونو او صنعت د خونې له رئیس ښاغلي شیرباز کمین زاده او د یادې خونې له یو شمېر غړو سره په ناسته کې د کانونو د قانون، د جواز ورکړې. . .

چهارشنبه ۱۳۹۹/۶/۲۶ - ۱۲:۳۴
Background image

د مس‌عینک په پروژه کې د شته ستونزو د حل لپاره بېړني اقدامات ترسره کیږي

د کانونو او پټرولیم وزارت سرپرست محمد هارون چخانسوري، په کابل کې د چین سفیر ښاغلي وانګ‌یو سره نن سهار په خپل کاري دفتر کې وکتل.

په دغه کتنه کې د افغانستان د استخراجي صنایعو له سکتور. . .

سه‌شنبه ۱۳۹۹/۶/۱۱ - ۱۴:۸
Background image

د کانونو او پټرولیم وزارت سرپرست د ولسمشر له ستر سلاکار ښاغلي کبیر عیسی خېل سره وکتل.

د کانونو او پټرولیم وزارت سرپرست محمد هارون چخانسوري په حقوقي چارو کې د ولسمشر له ستر سلاکار ښاغلي کبیر عیسی خېل سره وکتل.

په دغه کتنه کې د میس عینک پروژې پر څرنګوالي او د یادې پروژې د. . .

بېرته خبرونه ته