د داوطلبۍ بیاځلې خبرتیا
دنشر تاریخ
د ختمیدو تاریخ
د کانونو او پټرولیم وزارت په پام کې لري، چې په لوګر ولایت کې (۵۶.۶) کیلو ګرامه کوارتز، (۷۵۰) ګرامه کلسیت او (۱۵۰) ګرامه اراګونیت نیول شوي ډبري د ۱۴۰۵/۶/۳۱ نېټې څخه د(۱۰) ورځو لپاره د داوطلبۍ په موخه اعلان ته سپاري.
د یادونې وړ ده چې د قیمت ټاکلو کمېټې د پرېکړې پربنسټ د یو کیلو ګرام کوارتز لومړنی قیمت(۷۱) امریکایي ډالر یا د ورځی په نرخ افغانی، کلسیت (۹۰) افغانی او اراګونیت (۵۲) افغانی ټاکل شوی دي.
هغه کسان چې غواړي یادې ډبرې له ټاکل شوي قیمت څخه په لوړ قیمت واخلي خپل غوښتنلیکونه دې د کادسټر او تړونونو د پلي کولو عمومي ریاست ته وسپاري او د ټولیز قیمت لس سلنه دې د بانکي تضمین لیک په بڼه د داوطلبۍ په ورځ له ځان سره ولري.
