د کانونو او پټرولیم وزارت کې د بین الوزارتي کمیټې غونډې تر سره کول
بين الوزارتي کميټې غونډه د هرات ولايت د غوريانو د اوسپنې د کانونو د پروپوزلونو ارزونې په اړه نن سه شنبه د 1401/11/18 نېټې د ياد وزارت سرپرست شيخ الحديث شهاب الدين دلاور په مشرۍ , د اقتصاد وزارت مرستيال عبدالطيف نظري, د ماليې وزارت مرستيال مولوي حمدالله زاهد, د سوداګرۍ خونې مرستيال مولوي قدرت الله جمال,دچاپیریال ساتني مرستیال ډاکټرزین العابدین، د ياد وزارت د مرستيالانو او يو شمېره ريسانو په شتون کې تر سره شوه.
د کانونو او پټرولیم وزارت سرپرست مېلمنو ته د ښه راغلاست ترڅنګ د اړوندې کمېټې له لوري د غوریان اوسپنې پروژې د پروپوزلونو د ارزونې په بهیر کې له شفافیت څخه خوښي څرګنده کړه او د داوطلب شرکتونو د پروپوزلونو د ارزونې په اړه یې لنډ معلومات وړاندې کړل.
همدارنګه د غوریان اوسپنې په څلورو بلاکونو کې د داوطلب شرکتونو د پروپوزلونو د ارزونې په اړه لنډ راپور د ټاکلې کميټې له خوا د غونډې ګډونوالو ته وړاندې شو.
