د کانونو او پټرولیم وزارت ښځینه کارکونکو لپاره د مدیریت، ارتباطات او رهبرۍ تر عنوان لاندې روزنیزه برنامه په لار اچول شوه
د کانونو او پټرولیم وزارت 25 ښځینه کارکونکو لپاره د مدیریت ارتباطات او رهبرۍ برنامه د (GIZ) دفتر په مالي لګښت وړاندې کړل شوه.
دغه برنامه، چې د کانونو او پټرولیم وزارت د ښځینه کارکونکو د مدیریتي ظرفیت لوړونې په موخه په لاره اچول شوي وه درې اونۍ دوام وکړ. او د دې روزنیزې دورې فارغینو ته یې په مدیریتي برخه کې پوهه ورکړل شوه، چې د کار په ځای کې به ترې ګټه پورته کړي.
د همدې روزنیزې برنامې د پای په مراسمو کې چې د کانونو او پټرولیم وزارت مالي او اداري مرستیال ښاغلي سید محبوبالله رباني او د دې وزارت یو شمیر رئیسانو ګډون کړی وه؛ د (GIZ) دفتر ستاینه وکړه او د دې برنامو پایله یې اغیزمنه وبلله، او د کارکونکو د پیاوړتیا په برخه کې یې د وزارت د رهبرۍ ژمنتیا په ګوته کړه. یاده برنامه فارغو میرمنو ته د تصدیق لیکونو په ویش پای ته ورسیده.
دا په داسې حال کې ده چې، څه موده وړاندې د دې وزارت یو شمیر ښځینه کارکونکو لپاره د لیسانس او ماسټری لوړو زدهکړو فرصت ورکړل شوی ؤ، چې د پام وړ پایلې یې درلودې.
