د پالیسي او برنامو مرستیال د ایران د بهرنیو چارو وزارت د اقتصادي ډیپلوماسۍ له مرستیال سره وکتل

kamran_admin
سه‌شنبه ۱۴۰۵/۷/۱۴ - ۲۲:۳۶
*د پالیسي او برنامو مرستیال د ایران د بهرنیو چارو وزارت د اقتصادي ډیپلوماسۍ له مرستیال سره وکتل*

د کانونو او پټرولیم وزارت د پالیسي او برنامو مرستیال شیخ الحدیث عبدالرحمن قانت د سه‌شنبې په ورځ د ۱۴۰۵ لمریز کال د تلې میاشتې په ۱۴مه نېټه د ایران د بهرنیو چارو وزارت د اقتصادي ډیپلوماسۍ له مرستیال حمید قنبري او په کابل کې د دغه هېواد له سفیر علي‌رضا بیکدلي سره وکتل.
په دې لیدنه کې دواړو لورو د ښه ګاونډیتوب د اړیکو پر پیاوړتیا، د کانونو په برخه کې د پانګونې پر فرصتونو، د هرات - مزار شریف د اوسپنې پټلۍ او د دواړو هېوادونو ترمنځ د اقتصادي همکاریو د پراختیا په اړه بحث او نظرونه شریک کړل.
د پالیسي او برنامو مرستیال د خپلو خبرو پر مهال وویل، د کانونو او پټرولیم وزارت د کورنیو او بهرنیو پانګوالو لپاره د پانګونې مناسب چاپېریال برابر کړی او افغانستان د کانونو په ځانګړې توګه د نفتو او ګازو پراخې زېرمې لري. نوموړي له ایراني پانګوالو وغوښتل، چې په یادو برخو کې د پانګونې له فرصتونو ګټه واخلي.
*نوموړي همدا راز ټینګار وکړ، چې د افغانستان او ایران ترمنځ د ریاست‌الوزرا د اقتصادي مرستیال ښاغلي ملا عبدالغني برادر اخوند د سفر پر مهال لاسلیک شوې هوکړې باید عملي شي، څو د دواړو هېوادونو ترمنځ د همکاریو د لا پراختیا لپاره زمینه برابره او په راتلونکو همکاریو کې د ځنډ مخنیوی وشي*.
په ورته مهال، د ایران د بهرنیو چارو وزارت د اقتصادي ډیپلوماسۍ مرستیال افغانستان ښه ګاونډی وباله او د دواړو هېوادونو اړیکې یې لرغونې وبللې. نوموړي وویل، چې ایران چمتو دی له افغانستان سره د اقتصادي، کانونو د استخراج او نورو برخو کې د همکاریو د پراختیا لپاره خپلې اړیکې لا پیاوړې کړي.

تازه خبرونه

دوشنبه ۱۴۰۵/۸/۲۵ - ۱۱:۶
Background image

د کانونو او پټرولیم وزارت سایزمیکي مرکز د ۴.۹ او ۵ درجې په کچه دوه زلزلې ثبت کړې

د کانونو او پټرولیم وزارت د سایزمیکي مرکز د ثبت شویو معلوماتو له مخې، د ۱۴۰۵ لمریز کال د لړم میاشتې په ۲۵مه نېټه، د شپې شاوخوا ۱۰ بجې او ۱۵ دقیقې د ۵ درجې په کچه یوې زلزلې د نورستان. . .

دوشنبه ۱۴۰۵/۸/۱۸ - ۱۲:۳۵
Background image

د نورستان ولایت د قیمتي او نیمه قیمتي ډبرو د پلور داوطلبي ترسره شوه

د نورستان ولایت د کانونو ریاست له لوري د یاد ولایت په کانتیوا ولسوالۍ کې د بېلابېلو کانونو څخه استخراج شوي بېروج او کنزایټ د یوې رڼې پروسې په ترڅ کې د داوطلبۍ له لارې وپلورل شول.
په دې. . .

چهارشنبه ۱۴۰۵/۸/۱۳ - ۱۵:۲۵
Background image

د جوزجان ولایت د جنګل‌کلان سیمې د ګازو د اکتشاف او استخراج تړون لاسلیک شو


د کانونو او پټرولیم وزیر الحاج ملاهدایت الله بدري، د ریاست‌الوزراء د اقتصادي مرستیال ښاغلي ملا عبدالغني برادر اخوند، د اوبو او انرژۍ وزیر ملا محمد یونس اخوندزاده، د امارتي شرکتونو. . .

بېرته خبرونه ته