د هرات ولایت د مالګې کان تړون لاسلیک شو
د کانونو او پټرولیم وزیر الحاج ملاهدایت الله بدري د ۱۴۰۵ لمریزکال د غبرګولي میاشتې په ۱۴مه نېټه د هرات ولایت د غوریانو ولسوالۍ د نمکسار سیمې د مالګې د دویم بلاک تړون، چې ۹.۷ کیلومټره مربع مساحت لري د ۲۰,۰۴۵,۰۰۰ شل میلیونه او پنځه څلوېښت زره امریکایي ډالرو په پانګونې سره، د ریډګولډ اسیا د کان کیندنې شرکت سره لاسلیک کړ.
د کانونو او پټرولیم وزیر د یاد کان د تړون د لاسلیک پرمهال و ویل: دغه تړون د هر ټن په بدل کې د ۱۵۰۰ افغانیو رویالټي په ټاکلو سره د ۱۵ کلونو لپاره لاسلیک کېږي او یاد شرکت به خپلې چارې د کانونو د قانون او کړنلارې پربنسټ پر مخ وړي.
د یادونې وړ ده چې دغه شرکت به د رویالټي تر څنګ د ټولنیزو خدماتو په برخه کې ۹۳۰,۰۰۰ امریکایي ډالر هم ولګوي، او شاوخوا ۱۰۰ کسانو ته به د کار زمینه برابره شي.
