د غزني ولایت د زرکشانو کان هوکړه لیک لاسلیک شو
د کانونو او پټرولیم وزیر الحاج ملا هدایت الله بدري د دوشنبې په ورځ د ۱۴۰۴لمریز کال د لړم میاشتې په ۱۹مه نېټه د غزني ولایت د زرکشانو د پولي میتال کان هوکړه لیک د اکشتاف، استخراج او پروسس په موخه د خیبرحسن شرکت سره لاسلیک کړ.
د کانونو او پټرولیم وزیر وویل: د اسلامي امارت په راتګ سره د کانونو او پټرولیم وزارت هڅه کړې چې د کانونو د مسلکي کیندنې په موخه له هغو شرکتونو سره هوکړه لیکونه لاسلیک کړي، چې ښې وړتیاوې لري، نوموړي زیاته کړه یاد کان ۲۴۰ کیلومټره مربع مساحت لري، د کانونو څخه د لاښې ګټې اخیستنې او روڼتیا په موخه یې هوکړه لیک د خیبرحسن شرکت سره لاسلیک شو، چې په دې سربه د کان کیندنې او تړونونو د لاسلیک په برخه کې لا زیاتې اسانتیاوې رامنځته شي.
