د کانونو او پټرولیم وزیر د MCCT او MJAM له رئیسانو سره وکتل
د کانونو او پټرولیم وزیر الحاج ملا هدایت الله بدري د سهشنبې په ورځ د ۱۴۰۴ لمریز کال د لړم میاشتې په ۱۳مه نېټه د MCCT عمومي رئیس او د مس عینک پروژې قراردادي MJAM رئیس سره په خپل کاري دفتر کې وکتل.
په پیل کې د MCCT شرکت رئیس د پروژې د کاري پرمختګ، د تړون د ژمنو د پلي کولو او د پروژې لپاره د برېښنا برابرولو، چې د یاد شرکت له لوري په دې برخه کې عملي ګامونه پورته کېږي خبرې وکړې. نوموړي همدارنګه د مس عینک پروژې تخنیکي او اقتصادي څېړنیز راپور د وزارت مشرتابه ته وسپاره.
په پای کې د کانونو او پټرولیم وزیر د یادې پروژې د کارونو د چټکتیا په اړه ټینګار وکړ ویې ویل: د کانونو او پټرولیم وزارت د مس عینک پروژې د لا ښه پلي کېدو لپاره هر ډول همکارۍ ته چمتو دی.
