په پنجشېر ولایت کې د زمردو داوطلبي ترسره شوه
په پنجشېر ولایت کې د ۴۷۱۶۵۰ امریکايي ډالرو په ارزښت د ۸۵۹۳ قیراطه زمردو داوطلبي د سه شنبې په ورځ د ۱۴۰۴ کال د تلې میاشتې په ۲۲مه نېټه د یاد ولایت د مقام د استازي، د کانونو رئیس، سیمه یزو مسوولینو، کان کیندونکو، رسنیو او له ۱۵۰ څخه زیاتو سوداګرو په شتون کې د یاد ولایت د غونډو په تالار کې ترسره شوه. په دغه داوطلبۍ کې یو روسي پانګوال هم ګډون درلود، چې د ۲۰۰۰ امریکايي ډالرو په ارزښت د ۳۱۸ قیراطه زمردو ګټوونکی شو.
د یادونې وړ ده چې په یادو زمردو کې د اسلامي امارت ونډه یواځې ۱۰ سلنه ده او پاتې ۹۰ سلنه وڼده د کان کیندونکو ده.
