د تحصیلي څانګو د پېژندلو لپاره د پوښتنلیک ډکولو روزنیز پروګرام ترسره شو
د تحصیلي څانګو د پېژندلو لپاره د بازار د اړتیا وړ پوښتنلیک د ډکولو روزنیز پروګرام د ۱۴۰۴ لمریز کال د زمري میاشتي په ۱۳مه نېټه د کار او ټولنیزو چارو وزارت د بشري ځواک د عمومي ریاست له خوا د کارکوونکو چارو ریاست د زده کړو آمریت په همکارۍ د کانونو او پټرولیم وزارت د غونډو په تالار کې د مرکزي آمرینو لپاره جوړ شو.
د دې پروګرام موخه په افغانستان کې د بازار د اړتیا وړ تحصیلي څانګو پېژندنه او د لوستي بشري ځواک ترمنځ د عرضې او تقاضا برابري وڅېړل شي ترڅو د ګټورو پرېکړو لپاره زمینه برابره شي.
په پای کې د یاد وزارت استازو له خوا د دغو پوښتنلیکونو د ډکولو په اړه لنډ معلومات وړاندې شول.
