د صادراتو په برخه کې د روزنيز پروګرام جوړېدل
د MIS ریاست د کاني موادو د صادراتو په برخه کې د روزنيز پروګرام او د هغه د نښلولو څرنګوالی د مالیې وزارت د ګمرکاتو اسیکودا سیسټم سره د تړونونو پلي کېدو او تنظیم، د لویو کانونو ریاست مسوولینو ته وړاندې شو.
یاد روزنيز پروګرام د چهارشنبې په ورځ، د ۱۴۰۴ کال د وري میاشتې په ۶مه نېټه د کانونو او پټرولیم وزارت په موزیم تالار کې ترسره شو. د دې سیسټم له رامنځته کېدو سره د تړوني شرکتونو ټول معلومات د مالیې وزارت له ګمرکاتو سره وصل شول، چې دا به د صادراتو په برخه کې لا زیاته روڼتیا رامنځته کړي.
