د کانونو او پټرولیم وزارت سرپرست د ازبکستان د جیولوجي او کانونو وزارت له سلاکار سره ولیدل
د کانونو او پټرولیم وزارت سرپرست الحاج ملا هدایت الله بدري د سه شنبې په ورځ د ۱۴۰۳ کال د کب میاشتې په ۲۸مه نېټې د ازبکستان د جیولوجي او کانونو وزارت د بهرنیو عملیاتي چارو سلاکار ښاغلي بهزاد مرمودوف، د یاد هېواد د استخراجي شرکتونو عمومي رئیس خاید بي او مل پلاوي سره په خپل کاري دفتر کې وکتل.
د کانونو او پټرولیم وزارت سرپرست مېلمنو ته د ښه راغلاست ویلو ترڅنګ وویل، یاد وزارت هڅه کوي د ملي او نړیوالو پانګوالو لپاره د کانونو په برخه کې د پانګونې لا زیاته زمینه برابره کړي.
ورپسې ښاغلي مرمودوف د وزارت له مشرتابه څخه د هرکلي مننه وکړه او د طوطي میدان ګازو پروژې د چارو او د میدان وردګو ولایت د خوېش اوسپنې کان په اړه یې خبرې وکړې د کانونو او پټرولیم وزارت څخه یې د همکاریو غوښتنه وکړه او یادونه یې وکړه چې دوی به د کانونو د سروې، اکتشاف، استخراج، او د منرالونو د پروسس په برخو کې ګډ کار او همکاري ولري.
د کانونو او پټرولیم وزارت سرپرست د دوی د لېوالتیا هرکلی وکړ او د لازمو همکاریو ډاډ یې ورکړ.
