د کانونو او پټرولیم وزارت پلاوي د ارغندۍ د مرمر ډبرو پارک څخه لیدنه وکړه
د کانونو او پټرولیم وزارت پلاوي چې مشري يې د دې وزارت د اقتصادي چارو سلاکار مولوي مطیع الله حقاني کوله، د پلان جوړونې او راپور ورکولو رئیس محمد حارث برومند، د پالیسي د پراختیا رئیس مرتضی واحدي، په داسې حال کې چې د کانونو د ملي کمېټې مشر ښاغلي منصور احمدزي، د افغانستان د صنایعو او کانونو خونې د څارنې کمېټې مشر علي جاوید، د مرکزي زون د مرمر ډبرو د استخراج او پروسس اتحادیې مرستیال او د مرکزي زون د مرمر ډبرو د استخراج او پروسس اتحادیې مشر ښاغلي انجنیر عبدالباري وردګ یې ملتیا کوله د صنعتي پارک د پروسس د بېلابېلو کارخونو څخه لیدنه وکړه.
د وزارت ستر اقتصادي سلاکار د کاني سرچینو د ښه مدیریت په اړه خبرې وکړې او د هغوی فعالیتونه یې ارزښتناک وبلل او د چارو د ښه والي لپاره یې اړینې لارښوونې هم وکړې.
