نیمروز ولایت ته د کانونو او پټرولیم وزارت سرپرست سفر
د کانونو او پټرولیم وزارت سرپرست الحاج ملاهدایت الله بدري د وزارت ستر سلاکار انجنیر وحیدالله حلیمي او مل پلاوي د یو رسمي سفر په ترڅ کې یې د نیمروز ولایت د چهار برجک ولسوالۍ د ګود زرې سیمې د لیتیم کانونو څخه لیدنه وکړه او دیادو کانونو د سروې په موخه یې د انجنیري ټیم ته سپارښتنه وکړه چې تر څو دیاد کان څېړنه وکړي.
دغه راز د وزارت سرپرست د خپل سفر په اوږدو کې د هلمند او نیمروز ولایتونو تر منځ د خانیشن د یورانیمو له کاني سیمو او دېشو ولسوالۍ د بېلا بېلو کاني سیمو څخه لیدنې هم وکړې، سربېره پردې یې د یادو کانونو د سروې په موخه کارکوونکو ته لازمې لارښوونې وکړې.
