د بامیانو ولایت په کانونو کې سلګونه هېواد وال په کار بوخت دي
بامیانو ولایت د هېواد د مرکزي ولایتونو له جملې څخه دی چې د سرب او جستو کانونو سربېره په پراخه کچه نورې کاني زېرمې هم لري اوس مهال یې دقراردادي شرکتونو له لوري د ځینو کانونو د کیندنې چارې په پوره روڼتیا سره روانې دي، چې پکې سلګونه هېواد وال په کار بوخت دي.
دیادو شرکتونو مسوولینو د سیمو خلکو ته د ټولنیزو خدمتونو لکه د جوماتونو په جوړولو او بېوزله کورنیو سره د مرستو او د چاپیریال ساتنې په موخه يې 3500 ميوه لرونکي او غير ميوه لرونکي نيالګي کینولي دي، په دې توګه د سیمې خلکو د اسلامي امارت په ځانګړې توګه د کانونو او پټرولیم وزارت څخه خوښي څرګنده کړه، چې دوی ته یې د کاري زمینې برابرولو تر څنګ د ټولنیزو خدمتونو په برخه کې کار کړی دی، د غه راز د یادو شرکتونو مسوولینو وویل: چې د کانونو د استخراج په پراختیا سره به د ټولنیزو خدمتونو په برخه کې لا زیات کار وکړي سربېره پر دې به ګڼ شمېر نورو ځوانانو ته د کانونو د استخراج په برخه د کار زمینه برابره شي.
