د کانونو او پټروليم وزارت رهبري غونډه تر سره شوه
د کانونو او پټروليم وزارت رهبري غونډه د سرپرست وزير شيخ الحديث شهاب الدين دلاور په مشرۍ د مرستیالانو او رئیسانو په ګډون ترسره شوه.
د غونډې په پیل کې د وزارت د رهبرهیئت د تېر پرېکړو د پلي کېدو او څارنې په اړه خبرې وشوې ورپسې د وزارت د مقام د دفتر رئیس مولوي شکرالله شاکر له لوري د يو شمېر ریاستونو ستونزې، غوښتنې او قراردادیانو کاري راپور واورول شو، همدا راز د ریاستونو د چارو د ښه والي او یو لړ مهمو مواردو په اړه یې بحث او نظرونه شریک کړل.
د غونډې په پای کې د کانونو او پټرولیم وزارت سرپرست د چارو د ښه والي او پلي کېدو په موخه لازمې لارښوونې وکړې.
