د کانونو او پټرولیم وزارت سرپرست د بدخشان ولایت د کانونو له نوي رئیس سره ولیدل
د کانونو او پټرولیم وزارت سرپرست شیخ الحدیث شهاب الدین دلاور د بدخشان ولایت د کانونو له نوي رئیس مولوي عبدالحلیم سره په خپل کاري دفتر کې ولیدل.
په دغه لیدنه کې د یاد ولایت د کانونو رئیس د خپلو کارونو او فعالیتونو په اړه خپل راپور وړاندې کړ، د کارونو د ښه والي په موخه یې د خپل ریاست اړوند ستونزې او غوښتنې د وزارت له مشرتابه سره شریکې کړې.
د کانونو او پټرولیم وزارت سرپرست د هغه د کاري راپور، ستونزو او غو ښتنو له اورېدو څخه وروسته یې د بد خشان ولایت د کاني زېرمو سربېره د سرو زرو او قېمتي ډبرو دارزښت په اړه خبرې وکړې ویې ویل: کاني زېرمې د هېواد ملي پانګه ده، د هغو مدیریت، څارنې، ساتنې او روڼتیا برخې ته یې باید پاملرنه وشي.
په پای کې یې د کاري پروسې د ښه والي او مدیریت په موخه لازمې لارښوونې وکړې.
