د کانونو او پټرولیم وزارت سرپرست د ملي پراختیا شرکت له عمومي رئیس سره و کتل
د کانونو او پټرولیم وزارت سرپرست شیخ الحدیث شهاب الدین دلاور د ملي پراختیا شرکت له عمومي رئیس عبدالرحمن عطاش سره په خپل کاري دفتر کې وکتل.
په دغه کتنه کې د ملي پراختیا شرکت عمومي رئیس د بلخاب کان د ډبرو سکرو د استخراج، انتقال، امکاناتو او کارونو په اړه د معلوماتو له وړاندې کولو څخه وروسته یې د وزارت له مشر تابه سره خپل نظریات او غوښتنې شریکې کړې.
د کانونو او پټرولیم وزارت سرپرست د هغه د نظریاتو او غوښتنو له اورېدو څخه وروسته یې، د شمال د ډبرو سکرو د رویالیټي د پورونو او ځمکې د کرایې په ورکولو باندې ټینګار وکړ.
په پای کې د ملي پراختیا شرکت عمومي رئیس ډاډ ورکړ، چې د کانونو او پټرولیم وزارت د پورونو د ورکړې او د عوایدو لوړولو په برخه کې به همکاري وکړي.
