د کانونو او پټرولیم وزارت سرپرست د افغان ګاز او ډبرو سکرو تصدیو د بغلان، سمنګان او سرپل ولایتونو کانونو له رئیسانو سره وکتل
د کانونو او پټرولیم وزارت سرپرست شیخ الحدیث شهاب الدین دلاور د افغان ګاز او ډبرو سکرو تصدیو د بغلان، سمنګان او سرپل ولایتونو کانونو له رئیسانو سره په خپل کاري دفترکې وکتل.
په دغه کتنه کې یادو رئیسانو د خپلو فعالیتونو، کارونو په ځانګړې توګه د ډبرو سکرو په اړه خپل معلومات واورول، د چارو د چټکتیا په موخه یې خپلې غوښتنې، نظریات د وزارت له مشرتابه سره شریک کړل.
د کانونو او پټرولیم وزارت سرپرست د هغوی د خبرو له اورېدو څخه وروسته یې د لا ډېرو ترازوګانو پرلګولو، د کانونو او پټرولیم وزارت د پورونو راټولولو په اړه یې ټینګار وکړ، په همدې موخه اړوندو مسئولینو ته یې لازمې لارښونې وکړې.
