د کانونو او پټرولیم وزارت سرپرست د نفتو پروسس د کارخونو له مسئولینو سره ولیدل
د کانونو او پټرولیم وزارت سرپرست شیخ الحدیث شهاب الدین دلاور د نفتو پروسس د آتو کارخونو له مسئولینو سره په خپل کاري دفتر کې ولیدل.
په دغه لیدنه کې د یادو کارخونو استازو د نفتو پروسس، تصفیې او ظرفیت د کارخونو پراختیا په اړه معلومات وړاندې کړل، د کانونو او پټرولیم وزارت له سرپرست څخه یې غوښتنه وکړه، چې د نفتو د کارخونو له مسئولینو سره همکاري وکړي.
په پای کې د کانونو او پټرولیم وزارت سرپرست د نفتو پروسس فعالیتونو د پراختیا په برخه کې د هغوی د خبرو له اورېدو څخه وروسته یې په هېواد کې د معیاري کارخونې پر جوړولو ټینګار وکړ.
