د کانونو او پټرولیم وزارت سرپرست د M J A M کمپنۍ له رئیس سره ولیدل

 د کانونو او پټروليم وزارت سرپرست شيخ الحديث شهاب الدين دلاور د ۲۹/۷/۱۴۰۲ نېټې د مس عینک M J A M قراردادي کمپنۍ له رئیس خه شو پینک او مل پلاوي سره ولیدل.
د M J A M کمپنۍ رئیس د هرات ولایت زلزله ځپلو قربانیانو سره خپله غمشریکي او خوا خوږي څرګنده کړه، د نوې طرحې په اړه یې معلومات وړاندې کړل ویې ویل:  د مس عینک پروژه نه یواځې د افغانستان خلکو ته مهمه ده،  بلکې د کمپنۍ او چین هېواد لپاره هم مهمه ده او همدارنګه د یادې پروژې د فعالیت د پیل غوښتونکي یو.
 د کانونو او پټرولیم وزارت سرپرست د مس عینک کان کیندنې کارونو په چټکتیا ټېنګار وکړ ویې ویل: د کانونو او پټرولیم وزارت د مس عینک پروژې د فعالیتونو او کار پیل لپاره هر ډول همکاریو ته چمتو دی.