د کانونو او پټرولیم وزارت سرپرست د جاپان له سفیر سره وکتل
![ss](/sites/default/files/2023-10/whatsapp_image_2023-10-18_at_3.10.45_pm.jpeg)
د کانونو او پټروليم وزارت سرپرست شيخ الحديث شهاب الدين دلاور د 1402/7/26 نېټې د جاپان له سفیر او ورسره مل پلاوي سره په خپل کار دفتر کې وکتل.
د کانونو او پټرولیم وزارت سرپرست د جاپان سفیر ته د ښه راغلاست تر څنګ په سياسي مسايلو, د دغه هيواد همکاريو، د افغانستان په اوسني وضعیت، د کانونو په برخه کې د پانګونې او همدارنګه د افغانستان او جاپان ترمنځ د تاریخي او اوږدمهاله دوستۍ په اړه خبرې وکړې.
په پای کې دواړو خواوو د اقتصادي مسايلو د تعقيب او چټکتيا لپاره د دواړو هېوادونو ترمنځ د اړيکو پر لا پياوړتيا ټينګار وکړ.