د کانونو او پټرولیم وزارت سرپرست د چین هېواد د ایپیکس 2 شرکت له رئیس سره ولیدل
د کانونو او پټرولیم وزارت سرپرست شیخ الحدیث شهاب الدین دلاور د سه شنبې په ورځ د 14/6/1402 نېټې د چین هېواد د ایپيکس 2 شرکت له رئیس ښاغلي بای ین او مل پلاوي سره په خپل کاري د فتر کې ولیدل.
په دغه لیدنه کې د ایپیکس 2 شرکت رئیس د افغانستان پر طبیعي زېرمو په ځانګړې توګه د فلورایټ، سیمنټ، طلا، سرب او مس کانونو په برخه کې د پانګونې د شته فرصتونو په اړه خبرې وکړې او د افغانستان په کانونو باندې یې د پانګونې په اړه خپله لېوالتیا څرګنده کړه.
د کانونو او پټرولیم وزارت سرپرست د افغانستان کانونو په برخه کې د هغوی د لېوالتیا څرګندولو تر څنګه یې وویل: افغانستان د کانونو له پلوه یو بډایه هېواد دی، ټول بهرني پانګوال کولی شي په قانوني توګه په داوطلبۍ کې ګډون او پانګونه وکړي.
