د کانونو او پټرولیم وزارت اداري غونډه ترسره شوه
دغه غونډه د کانونو او پټرولیم وزارت سرپرست شیخ الحدیث شهاب الدین دلاور په مشرۍ د مالي او اداري مرستیال مولوي حسام الدین صابري، رئیسانو او د بېلابېلو برخو استازو په شتون کې نن شنبه د ۳۱/۴/۱۴۰۲ نېټې د غونډو په تالار کې ترسره شوه.
په پیل کې رئیسانو او اړوندو مسوولینو د خپلو فعالیتونو د ترسره کولو په اړه چې مخکنیو غونډو کې پرېکړې شوې وې معلومات وړاندې کړل. او همدارنګه د بېلابېلو موضوعاتو په اړه بحثونه او نظرونه شریک کړل.
د کانونو او پټرولیم وزارت سرپرست د غونډې د ګډنوالو له نظریاتو اورېدو وروسته د کارونه په چټکتیا باندې ټینګار وکړ او مسوولینو ته یې خپلې ځانګړې دندې وسپارلې.
