د پورونو کمېټې اونیزه غونډه تر سره شوه
د پورونو کمېټې اونیزه غونډه د مالي او اداري مرستیال مولوي حسام الدین صابري په مشرۍ د کمېټې د غړو او پوروړو شرکتونو په حضور کې د چهارشنبې په ورځ د 24/12/1401 نېټې د مالي او اداري معینیت د غونډو په تالار کې تر سره شوه.
په دغه ناسته کې د وزارت د عواید ریاست له لوي د پورونو په اړه د لنډو معلوماتو وړاندې کولو تر څنګ له پوروړو شرکتونو څخه د کانونو او پټرولیم وزارت پورونو د ترلاسه کولو په اړه خبرې اترې وکړې.
په پای کې د مالي او اداري مرستیال مولوي حسام الدین صابري د کانونو او پټرولیم وزارت د پورونو د ترلاسه کولو په اړه د کمیټې د غړو د نظریاتو، وړاندیزونو او د حل لارو له اوریدو وروسته له پوروړلو شرکتونو څخه د پور د ترلاسه کولو لپاره د کب 28 نېټې پورې وخت وټاکه چې دوی باید خپل پورونه په ټاکلي وخت سره اده کړي.
