د کانونو او پټرولیم وزارت سرپرست دPetroleum Geo Jade کمپنۍ له استازي سره وکتل
د کانونو او پټرولیم وزارت سرپرست ښاغلي شیخ الحدیث شهاب الدین دلاور نن پنجشنبه د 11/12/1401 نیټې د Geo Jade کمپنۍ له استازي ښاغلي K Shoo سره په خپل کاري دفتر کې وکتل.
د یادې کمپنۍ استازې د افغانستان د کانونو په ځانګړي ډول د نفتو او ګازو په برخه کې د پانګونې لپاره خپله لېوالتيا وښودله او د وزارت له مشرتابه يې د همکارۍ غوښتنه وکړه.
د کانونو او پټرولیم وزارت سرپرست د هیواد په کانونو کې د ده او نورو بهرنیو پانګوالو د لېوالتیا ښودلو په اړه وویل: چې د افغانستان کانونه د ټولو افغانانو امانت او پانګه ده، او د هر ډول کانونه قرارداد د اسلامي امارت او کانونو قانون سره سم ورکول کېږي. او د کانونو ټول قراردادونه باید د نړیوالو معیارونو سره سم او پروسس یې باید په هیواد کې دننه ترسره شي، او همدارنګه یې د کانونو پانګونې برخه کې د پروپوزلونو وړاندې کولو غوښتنه ورڅخه وکړه.
