د کانونو او پټرولیم وزارت سرپرست د کډوالو او راستنیدونکو چارو وزارت سرپرست سره وکتل
د کانونو او پټرولیم وزارت سرپرست شیخ الحدیث شهاب الدین دلاور نن چهار شنبه 25/3/1401 نېټې د کډوالو او راستنیدونکو چارو وزارت له سرپرست الحاج خلیل الرحمن حقاني سره په خپل کار کې وکتل.
په دې کتنه کې دواړو لورو په مختلفو موضوعاتو بحث وکړ، چې له هغې جملې څخه د هغو مهاجرو هیوادوالو لپاره چې له ایران او پاکستان هیوادونو څخه خپل هیواد ته بېرته راستانه شوي دی د کار زمینه ورته برابره شي.
د کډوالو او راستنیدونکو چارو سرپرست وزیر د کانونو او پټرولیم وزارت له کاري برنامو څخه د ملاتړ تر څنګ د هېواد خلکو او په ځانګړې توګه هغو ماشومانو او اقشار چې له هیواد څخه بهر ژوند کوي او غواړي چې افغانستان ته راستانه شي خدمت کول خپله اصلي دنده ګڼي چې د ټولنې دې طبقې ته د امکان تر حده د رسېدو پر اړتیا تینګار وکړ.
