د بلخ، غزني او میدان وردګ ولایتونو د رسوبي مالګې او ګچ ډبرو د کانونو داوطلبي ترسره شوه
د بلخ ولایت د خلم ولسوالۍ د ده نو سیمې رسوبي مالګې، د غزني ولایت د ناهور ولسوالۍ د ګاومرده دره د سویل لویدیځې سیمې د ګچ ډبرو او د میدان وردګ ولایت د دای میرداد ولسوالۍ د دریاي سویل ختیځ سیمې دګچ ډبرو د کانونو داوطلبي نن د 10/3/1401 نېټې د دغه وزارت په مرکز کې په شفافه ټوګه تر سره شوه.
د کانونو او پټرولیم وزارت سرپرست شیخ الحدیث شهاب الدین دلاور د یادو سیمو د مالګې او ګچ کانونو داوطلبي چې مخکې اعلان ته سپارلې وو. د موظف هیئت او د هغو شرکتونو په حضور کې چې د پرپوزلونو په ارزولو کې یې د داوطلبۍ شرایط پوره کړي وو د یوې شفافې پروسې لاندې تر سره شوه.
په دغه داوطلبي کې لاندې شرکتونه:
• د ممتاز ایاز شرکت د بلخ ولایت د خلم ولسوالۍ د ده نو سیمې د رسوبي مالګې کان في ټن د (3080) افغانیو په ارزښت.
• د ساحل شرق میانه شرکت د میدان وردګ ولایت د دریا میرداد ولسوالۍ د سویل ختیځې سیمې د ګچ کان في ټن د (1000) افغانیو په ارزښت.
• د اکا اروند شرکت د غزني د ناور ولسوالۍ د ګاو مرده دره خوات د جنوب لوېدیځ سیمې د ګچ کان في ټن د (801) افغانیو په ارزښت.
د ارزولو موظف هیئت له لوري د یادو سیمیو ګټونکي اعلان شول.
