د کانونو او پټرولیم وزارت د هئیت رهبري غونډه تر سره شوه
د کانونو او پټرولیم وزارت د سرپرست په مشرۍ د رهبري هیئت غونډه نن پنجشنبې 1/2/1401 نېتې د رئیسانو او مسؤلینو په ګډون د وزارت د غونډو په تالار کې تر سره شوه.
په دغه ناسته کې د د وزارت سرپرست د کارونو او فعالیتونو له پرمختګ څخه خوښي څرګنده کړه او د رهبري هئیت څخه یې وغوښتل چې دغه مسوولیت په ښه توګه تر سره کړئ تر څو وکولی شو ښه پرمختګ وکړو.
په یاده ناسته کې پر څو مشخصو برخو خبرې وشوې چې له هغې جملې څخه د هیواد په پنځو برخو کې د ډبرو سکرو د بريښنا د تولید د فابریکې پر جوړلو، د غوریانو د اوسپنې د داوطلبي اعلان، د پانګوالو هڅولو لپاره د منرالونو د ښه والي پلان، د هرات ولایت د چشت ولسوالۍ د مرمرو پر ډبرو د بحث تر څنګ د ټاپي پروژې د کمټې پر فعلیتونو هم بحث او خبرې وشوې.
