د استخراجي صنایعو په سکتور کې د روڼتیا یو ورځنی ورکشاپ د کابل ولایت مرکز او ولسوالیو د خلکو او مدني ټولنو د فعالینو لپاره د کابل د کانونو ریاست، د افغانستان د استخراجي صنایعو د روڼتیا نوښت او د (GIZ) په ګډې همکارۍ وړاندې شو
یاد ورکشاپ د استخراجي صنایعو د روڼتیا نوښت (EITI) د معیارونو د پیژندنې، د کان قانون او د کوچنۍ کچې د کاني سیمو د رسمي کولو په پروسه کې د هغې څخه د ګټې اخیستنې او د استخراجي صنايعو په سکتور کې د ښځو د رول په اړه معلومات وړاندې شول.
همدارنګه په یاد ورکشاپ کې د کابل ولایت د کان کېندنې د فعالیتونو څخه د مدني ټولنو د څارنې او د افغانستان د استخراجي صنایعو د شفافیت نوښت (AEITI) د وروستیو لاسته راوړنو او په ځانګړي توګه، د افغانستان غړیتوب د ځنډیدا په موخه بحث ترسره شو.
د یادونې وړ ده چې، افغانستان د 2010 کال راپدیخوا د استخراجي صنایعو د روڼتیا نوښت سازمان غړیتوب درلود، چې په 2019 کال کې د دغه هېواد غړیتوب له معیارونو سره د نه توافق له امله وځنډول شو، خو له نېکه مرغه چې په فعالیتونو کې د پرمختګ او د معيارونو د بشپړول وروسته یې خپل غړیتوب بېرته ترلاسه کړ.
