په پنجشېر ولایت کې د زمردو داوطلبي ترسره شوه
د پنجشېر ولایت په مرکز کې د زمردو د پلور داوطلبۍ د روان ۱۴۰۴ لمریز کال د چنګاښ میاشتې په ۲۴مه نېټه د یوې رڼې پروسې په ترڅ کې ترسره شوه.
په دې داوطلبۍ کې، چې د ولایت د کانونو ریاست کې جوړه شوې وه، د والي استازی، د کانونو رئیس، د اړوندو ادارو سیمهییزو مسوولینو، کان کیندونکو، د هېواد د بېلابېلو برخو څخه ملي سوداګرو او د رسنیو استازو ګډون کړی و.
په یاده بولۍ کې(۲۲۳۵) قیراطه زمرد د (۱۷۷۳۵۰) یو سل اووه اویا زره درې سوه پنځوس امریکايي ډالرو په ارزښت د داوطلبۍ له لارې وپلورل شول، چې دا د کانونو د عوایدو د زیاتوالي او پانګوالو ته د لا زیاتو فرصتونو برابرولو لپاره مهم ګام بلل کېږي.
