میک کمیټې سفارشاتو ته د لاس رسي او په کانونو او پټرولیم وزارت کې د فساد زیانونو په اړه ناسته ترسره شوه
په کانونو او پټرولیم وزارت کې د فساد زیانونو او سفارشاتو ته د لاس رسي په پار ناسته د اداري فساد پر وړاندې د څارنې او ارزونې خپلواکې ګډې کمیټې تر څار لاندې، د دې وزارت د غونډو په تالار کې د سه شنبې په ورځ وروسته له غرمې ونیول شوه.
په لومړي سر کې، کانونو او پټرولیم وزارت مسؤلینو د یادې کمیټې د سفارشاتو له وړاندې کولو څخه مننه وکړه، او بیا د دې کمیټې لخوا د وروستي نشر شوي راپور چې څه ډول باید نوموړي سفارشات تطبیق شي، خپل نظرونه څرګند، او د نامعلومو او نه ربط لرونکو سفارشاتو په اړه یې وضاحت ورکړ.
د نوړي کمیټې غړو د نامعلومو سفارشاتو په اړه د وضاحت ترڅنګ د مهمو سفارشاتو د تطبیق او غوره لاس رسي په پخاطر وزارت ته د مرستې ډاډ ورکړ.
د یادونې وړ ده چې د کانونو او پټرولیم وزارت رهبري په پخپل کلک عزم سره د افغانستان په استخراجي سکتور کې سمونونو او روڼتیا رامنځ ته کولو په پار ژمنه ده. داچې کارونه په ښه شان سره تر سره شي، له همدې کمیټې څخه غوښتنه وشوه، ترڅو د دې ادارې کړنې د روڼتیا پخاطر ارزیابي کړي.
