له زلزله ځپلو سره د MJAM شرکت مرستې

firoz_admin
پنجشنبه ۱۴۰۱/۵/۶ - ۱۳:۱۷
ccc

د کانونو او پټرولیم وزارت سرپرست وزیر شېخ الحدیث شهاب الدین دلاور په کابل کې د چین له سفیر ښاغلي وانګ یو، د MJAM شرکت له رئیس او مل پلاوی سره د طبعي پېښو پر وړاندې د مبارزې معین ښاغلي مولوي شرف الدین، د یاد وزارت معینانو او یو شمېر ريسانو په ګډون نن پنجشنبه د 6/5/1401 نېټې د وزارت په مقام کې ورسره وکتل.

نومړې برنامه د قران عظیم الشان په څو مبارکو ایاتونو سره پېل شوه، وروسته بیا د کانونو او پټرولیم سرپرست وزیر د چین هیواد سفیر، د MJAM  شرکت رئیس، د طبعي پېښو پر وړاندې د مبارزې معین او ګډون والو ته ښه راغلاست وویل او زیاته یې کړه، په لومړیو کې د افغانستان او چین تر منځ د دوستانه او دوه اړخیزو اړیکو پیاوړتیا زموږ لپاره مهمه ده او بیا یې د چین هیواد او د MJAM شرکت له مرستو د مننې کولو تر څنګ یې وویل مخکې هم یاد شرکت د 60 زره امریکايي ډالرو په ارزښت چې په کې وریجې، غوړي او اوړه شامل وو د زلزلې له زیانمنو شویو خلکو سره مرسته کړې وه. او همدارنګه ښاغلي شېخ صاحب وویل : ډېر فرصتونه شته چې افغانستان د چين د دولت او خصوصي سکټور د همکارۍ د جلبولو لپاره لېوالتيا لري. هغه د لوګر د مسو عینک پروژې او د امو سیند پروژې ته اشاره وکړه او باید چې شته فرصتونو ته په پام سره به دوه اړخیزې همکارۍ په یادو پروژو او ورته نورو پروژو پورې محدودې نه شي.

سرپرست وزیر وویل، افغانستان بې شمېره کانونه لري او د خصوصي سکټور د پانګونې د جلبولو لپاره ښه فرصتونه شته او چین په دې برخه کې اساسي رول لوبولی شي.

ورپسې په کابل کې د چين سفير ښاغلي وانګ يو د کانونو او پټروليم وزارت له رهبرۍ څخه د مننې کولو تر څنګ وويل: د زلزلې په رامنځته کېدو سره د چين حکومت او د دغه هېواد خلک ډېر متاثره شوي او د بشري مرستو د برابرولو پرېکړه يې وکړه. چې د MJAM شرکت لخوا د 60 زره امریکایي ډالرو په ارزښت خوراکي توکي چمتو شوي وو. او یادونه یې وکړه چې چین به د دوست او ګاونډي په توګه تل د افغانستان له خلکو سره وي.

بیا د طبیعي پېښو پر وړاندې د مبارزې معین مولوي شرف الدین د چین هېواد له مرستو مننه وکړه او وویل: چین تل د افغانستان د خلکو تر څنګ ولاړ دی او له دغه هېواد سره یې د پوهنې او نورو برخو کې د مرستې غوښتنه کړې ده. د مرستو د ویش په اړه چې د ملي او نړیوالو سوداګرو او نورو هیوادونو په استازیتوب، دوی د انوزارت لخوا ټاکل شوي کمیټې او ټیم له لارې معلومات وړاندې کړل.

په پای کې د MJAM شرکت رئیس له زیانمنو شویو خلکو سره د تېرو مرستو په اړه خبرې وکړې او د طبیعي پېښو پر وړاندې د مبارزې معین مولوي شرف الدین ته یې د 140 زره امریکایي ډالرو چک وړاندې کړ.

د غونډې په پای کې د سرپرست وزیر صاحب لخوا د رسنیو پوښتنو ته ځوابونه وویل.

تازه خبرونه

سه‌شنبه ۱۴۰۱/۵/۲۵ - ۱۴:۴۰
Background image

د (MJAM) کمپنۍ رئيس سره د کانونو او پټرولیم وزارت سرپرست لیدنه

د کانونو او پټرولیم وزارت سرپرست وزیر شېخ الحدیث شهاب الدین دلاور د مس عینک پر پروژې د کار د پېل لپاره د چین هیواد د (MJAM) کمپنۍ له نوي رئیس ښاغلي خه شو پینګ سره نن سه شنبه 25/5/1401. . .

یکشنبه ۱۴۰۱/۵/۲۳ - ۱۲:۱۷
Background image

د نفرایټ قراردادونو د رویالیتۍ د تحویلۍ له  درکه د عوایدو  په هکله  

د د ننګرهار ولایت په مربوطاتو کې د نفرایټو ۱۱ رسمي قراردادونه لرو چې د هغې له جملې څخه ۴ شرکتونو د نفرایټو استخراج او صادرات پیل کړي چې هریو:
1.    د حاجي حکمران شرکت ۲ ټنه او ۱۰۰ کیلو. . .

شنبه ۱۴۰۱/۵/۲۲ - ۱۷:۹
Background image

د لویو کانونو پروژو د داوطلبۍ په اړه معلوماتي غونډه تر سره شوه

د کانونو او پټرولیم وزارت، د مالیې، د اقتصاد، صنعت او سوداګرۍ ، د انرژۍ او اوبو وزارتونو او د چاپیریال ساتنې ادارې تر منځ د هرات ولایت د غوریانو اوسپنې او د غور ولایت د سرپ او جست پروژو. . .

بېرته خبرونه ته