له روسي، چینایي او افغان پانګوالو سره د کانونو او پټرولیم وزارت سرپرست لیدنه

د کانونو او پټرولیم وزارت سرپرست شیخ الحدیث شهاب الدین دلاور له چینايي، روسي پانګوال ښاغلي الکسي او یو تن افغان پانګوال سره په خپل کاري دفتر کې ولیدل.
په دغه لیدنه کې د افغانستان د کاني زېرمو په برخه کې د پانګونې په شته فرصتونو خبرې وکړې او همدا راز یې په ټولو هېواد کې د سرتاسري امنیت او پانګونې لپاره د مناسبې زمینې برابر ولوپه اړه بحث او نظرونه شریک کړل.
د کانونو او پټرولیم وزارت سرپرست ورته د ښه راغلاست تر څنګ وویل: د افغانستان اسلامي امارت په راتګ سره په ټول هېواد کې سرتاسري امنیت، ملي حاکمیت حاکم دی له ټولو هېوادونو سره ښې اړیکې لرو په ځانګړې توګه له ګاونډیو هېوادونه سره، زموږ پالیسي اقتصادي او پراختیایي پالیسي ده او زیاته یې کړه: افغانستان د کاني زېرمو له پلوه یو غني هېواد دی د ټولو هېوادونه پانګوالو ته د کاني زېرمو په برخه کې د پانګونې لپاره ښه راغلاست وایو او د پانګونې په برخه کې ورته اسانتیاوې رامنځته کوه.
روسي پانګوال په افغانستان کې د سر تاسري امنیت او ثبات په اړه خوښي څرګنده کړه، د افغانستان د نفرایټو، لاجورد، مرمر کانونو په برخه کې یې د پانګونې غوښتنه وکړه ویې ویل: روسي پانګوال او د کانونو استخراجي شرکتونه چمتو دي، چې په افغانستان کې پانګونه او کار وکړي او همدا راز یې د ګډو استخراجي شرکتونه د جوړولو غوښتنه وکړه، چې د کانونو او پټرولیم وزارت سرپرست له لوري یې هر کلی وشو او د هر ډول لازمو همکاریو ژمنه یې ورسره وکړه.