له حضرت نجیب الله مجددي سره د کانونو او پټرولیم وزارت سرپرست لیدنه
د کانونو او پټرولیم وزارت سرپرست شیخ الحدیث شهاب الدین دلاور نن یکشنبه د ۲۱/۳/۱۴۰۲ نېټې له حضرت نجیب الله مجددي او ملګرو سره یې ولیدل.
په دې لیدنه کې ښاغلي مجددي د اسلامي امارت د تېرو دوو کلونو د پرمختګونو او لاسته راوړنو لکه د تېر حکومت د سیاسینو راستنېدل، د اداري فساد له منځه وړل، سرتاسري امنیت، او د پانګونې پر فرصتونو باندې خوښي وښودله. او له اسلامي امارت سره یې د هیواد د پرمختګ لپاره خپل ملاتړ او همکاري اعلان او خپلې ستونزې یې ورسره شریکې کړې.
دغه راز د کانونو او پټرولیم وزارت سرپرست مېلمنو ته د ښه راغلاست ترڅنګ له الله تعالی څخه ټولو افغانانو ته د اتحاد او یووالي غوښتنه وکړه او د دوی د ستونزو د حل لپاره د همکارۍ ژمنه وکړه.
