د GIS روزنیز پروګرام پیل شو
د کانونو او پټرولیم وزارت د غونډو په تالار کې د GIS جغرافیایي معلوماتو سیسټم کارولو په اړه روزنیز پروګرام د کار کوونکو چارو ریاست او د GIS ریاست سره په همغږۍ د انجنیرانو د ظرفیت لوړولو په موخه د یکشنبې په ورځ د ۱۴۰۳/۱۱/۷ نېټې پیل شو.
په دې پروګرام کې د کارکوونکو چارو ریاست د ظرفیت لوړولو آمر محمد شفیق زماني وویل چې د انجینرانو د پوهې کچې لوړولو او د کار ښه والي په موخه د داسې پروګرامونو تنظیم کول مهم او ارزښتناک دي او په نږدې راتلونکي کې به داسې پروګرامونه په مرکز او ولایتونو کې هم پیل شي.
د یادونې وړ ده چې په دې پروګرام کې د انجنیر عصمت الله مایار لخوا ګډونوالو ته مفصل معلومات د پرېزنټېشن په بڼه وړاندې شول او دغه روزنیز پروګرام به تر پنځو ورځو پورې دوام وکړي.
