د کونړ ولایت نفرایټ ډبرو داوطلبي ترسره شوه
د کونړ ولایت د خاص کونړ ولسوالۍ د کوزچنچن سیمې د (۵.۴۹) ټنه نفرایټ ډبرو د پلور داوطلبي د منرالونو د تنظیم او کاډسټر عمومي رئیس ملا عبدالرحمن رحماني، ټاکلي هئیت او داوطلبو شرکتونو په شتون کې د یوې رڼې پروسې په ترڅ کې ترسره شوه.
د منرالونو د تنظیم او کاډسټر عمومي رئیس د یادې سیمې د نفرایټ ډبرو او پانګونې په برخه کې د اسانتیاوو رامنځته کولو په اړه خبرې وکړې.
په یاده داوطلبۍ کې د ګډونوالو له جملې څخه د خالد مومند شرکت یو ټن(۳،۱۶۰۰۰۰)درې میلیونه، یو سلو شپېته زره افغانیو د نرخ په وړاندې کولو سره ګټوونکی اعلان شو.
