د کانونو سکټور حقوقي آجنډا بشپړه شوه
د کانونو سکټور حقوقي آجنډا د کان کېندنې مقررې د طرحې په تصویبولو سره بشپړه شوه.
د کان کېندنې د مقررې طرحه د کانونو قانون د شپږاویایمې (۷۶) مادې له مخې ترتیب شوي. دغه مقرره چې د اړوند ادارو په همکارۍ ترتیب شوي وه، تیره ورځ د کابینې د غونډې لخوا د تأیید وړ وګرځیده.
یاده مقرره، د تدارکاتو [د کان کېندنې د لویو قراردادونو د داوطلبۍ او د کوچنۍ کان کېندنې لپاره د جواز غوښتنلیکونو]، د قراردادونو/جوازونو مدیریت، د کان کېندنې قراردادونو د رویالټۍ دتادیې/مالي شرایطو، د کان کېندنې فعالیتونو د ثبت [د روڼتیا لاسته راوړلو په موخه]، د روغتیا او خوندیتوب د اړونده چارو، د ژوند چاپیریال، د کاني سیمو په امنیت او د ځایې ټولنو د مشارکت په پروسې تمرکز کوي.
کانونو او پټرولیم وزارت ویاړي چې، د کانونو سکټور حقوقي آجنډا #دصنایعاستخراجیتګلارې #دکانونوقانون #دکانکېندنېمقررې له مخې نهایې شوي، چې دا په سکټور کې د ښکیلو شریکانو لپاره قانوني کڅوړې چمتو کوي.